BUTUAN CITY – Daghan pa gihapon ang dili makatuo nga namatay na ang Hollywood director nga si Rob Reiner ug ang iyang asawang si Michelle Singer Reiner human gidunggab sa nagkada-iyang parte sa ilang lawas.
Ang gitudlo nga suspek sa mga otoridad mao mismo ang 32-anyos nga anak sa magtiayon nga si Nick Reiner kinsa gidakop pila ka oras human makit-an ang mga patayng lawas sa 78-anyos nga direktor ug sa iyang asawa sa ilang balay sa Brentwood, Los Angeles kagahapon.
Sumala sa inisyal nga report sa Los Angeles Police, daghan kaayo’g samad dinunggaban sa lawas ang magtiayon ug adunay usab hiwa sa liog nga maoy hinungdan sa ilang kamatayon.
Sigon ni Los Angeles Police Chief Jim McDonell, nadakpan nila si Nick Reiner pipila ka oras human mi-report ang manghod niining babaye ang ilang patay’ng lawas.
Gituohan sa mga otoridad nga ang motibo sa pagpatay mao ang nahitabong panaglalis sa pamilya atol sa usa ka Hollywood party ingon man ang gila-ingong pagka-abusado ni Nick, nga una nang namatikdan sukad pa sa iyang pagkabata.
