BUTUAN CITY – Napili isip Most Outstanding City Police Station of the Year ang Cabadbaran City Police Station atul sa awarding ceremony sa ika-30 nga Police Community Relations Month Celebration kaghapong adlawa.
Gihomo ang maong seremonya sa Camp Rafael Rodriguez sa Brgy. Libertad ning siyudad sa Butuan. Nasayrang mitala og kasaysayan ang Cabadbaran City isip Top Performing Unit sa Agusan del Norte sulod sa tulo ka mga bulan niadtung 2022.
Gi-atol ang maong kalihukan sa pormal nga paghulip ni Brig. Gen. Marcial Mariano Magistrado IV kang Brig. Gen. Christopher Abrahano isip PRO-13 director, human napili ang naulahi isip bag-ong officer in charge sa Criminal Investigation and Detection Group.
Atul sa selebrasyon, ningsuroy ang kapulisan sa mga hilit nga lugar sa rehiyon alang sa mga outreach programs, pag-patuman sa Revitalized Pulis sa Barangay (R-PSB) Quick Impact Projects, bloodletting activity, public awareness campaigns, ug mga gift-giving activities.
