BUTUAN CITY – Karong nagkaduol na ang Valentine’s Day, mas gipahugtan sa Regional Anti-Cybercrime Unit kon RACU-13 ang ilang kampanya batuk sa mga online phishing ilabina sa kaylap karon nga mga love scams kondiin mangayo og kwarta ang imong naka-ila online.
Sa eksklusibong pakighinabi sa Bombo Radyo Butuan, gipadayag ni RACU-Caraga chief PCol Lemuel Gonda nga ang social engineering personnel sa mga scammers ang gitahasan sa paghimo sa maong modus pinaagi sa pagsakay sa gusto sa mga online users aron makapangwarta.
Mamatikdan matud pa ang modus sa love scam tungod kay pila ka adlaw human nagka-ila online, mangayo na kini og kwarta gamit ang managlahing rason sama sa emergency nga dapatan ug uban pa.
Aron malikayan nga mabiktima sa kaylap karon nga love scam, tambag sa opisyal nga dili magpataka og accept sa mga mag-pop up mga mga apps omaha mga grupo o indibidwal alang niadtong nangita og mga hinigugma, ma-Pinoy man kini o kaha mga foreigners nga mas nailang afam.
Tambag pa sa opisyal, kinahanglang huna-hunaon una og maayo adiser i-klik ang mang-pop up sa ilang social media platforms nga gigamit aron masigurong dili sila mabiktima ilabina nga kasagaran sa mga biktimahunon mao kadtong anaa sa age bracket nga 15 hangtud 20-anyos.
Dugang pa ni Col Gonda, kinahanglang dili basta-bastang musalig sa mga tawo nga ma-meet online ilabina kung mangayo na kini sa imong personal nga mga impormasyon, mangayo og hulagway ug uban pa nga magamit nila sa ilang pagpangilad.
