BUTUAN CITY- Gitugyan nalang ni Department of Interior and Local Government kon DILG sa mga private schools ang hugot nga pagbantay sa mga mosulod aron dali nga ma-aresto ang mga nagdala og mga armas.
Sumala ni DILG Secretary Jonvic Remulla, sa mga pampublikong tunghaan, ipakatag nalang nila ang mga barangay tanod aron mohimo og mandatory nga pag-check sa mga bag sa mga mag-tutungha.
Tumong sa nasangpit nga lakang mao aron dili na mabalik pa ang mga nahitabong krimen sulod sa mga tunghaan.
Dugang pa niini, aduna na silay giplano sa Philippine National Police (PNP) nga Quick Reaction Force kinsa maoy motubag gilayon sa nasangpit nga mga hisgutanan.
Gihatagan usab og importansya ni Remulla ang pagka-adunay hugot nga gun control sa nasud kung asa kinahanglan matud pa nga pabug-aton ang silot sa mga nagpasad sa ilang mga service firearms.
