-- ADVERTISEMENT --
BUTUAN CITY – Hugot nga gipanghimakak ni Surigao del Sur 1st District Congressman Romeo Momo Sr. ang mga ningkuyanap nga alegasyon online nga nanag-iya siya og private jet kondiin nakita nga kauban niyang misakay ang pipila ka mga kongresista, lakip na si Butuan City lone district Representative Joboy Aquino.
Sumala sa Kongresista, walay kamatu-uran ang tanang pasangil nga iya matud pa ang nasangpit nga private jet, dayong awhag sa mga tawo nga kinahanglang susihon una ang mga impormasyon adiser kini ipakuyanap o kaha tuohan.
Sumala niini, ang tinood nga tag-iya sa maong jet mao matud pa si Congress Pepito Alavarez dayong depensa nga ubos sa iyang termino, wala matud pay natalang ghost projects sa tanang proyekto sa iyang probinsya.
