BUTUAN CITY – Nagpasidaan ang Department of Health (DOH) sa publiko nga likayan ang paglusong sa tubig-baha aron malikayan ang sakit nga leptospirosis tungod sa padayon nga pag-ulan sa nasud.
Kung dili gyud malikayan ang paglusong sa baha, girekomenda sa ahensya nga magsul-ob og butas ug hustong proteksiyon sa lawas dayong awhag nga magpakonsulta sa doktor alang sa hustong tambag ug resita sa mga tambal sama sa Doxycycline prophylaxis.
Mahimo usab nga motawag sa National Emergency Hotline nga 911 kung nanginahanglan og dinaliang tabang.
Una nang gimandoan sa Malacañang ang DOH nga mohimo og mga pro-active measure batok sa mga sakit nga mahimong makuha tungod sa kusog nga pag-ulan ug pagbaha.
Sumala kang Palace Press Officer Usec. Claire Castro, dili na angay hulaton nga mosamot pa ang mga sintomas sama sa hilanat, pag-yellow sa mata o panit, ug uban pang sintomas, rason nga kinahanglan dayon magpakonsulta sa doktor tungod sa posibleng leptospirosis.
