BUTUAN CITY – Andam na ang mga dokumento sa pagpasaka ug kasong Reckless Imprudence Resulting to Homicide batuk sa drayber sa usa ka boomtruck nga nalambigit sa disgrasya kagahapon sa ala1:20 sa hapon sa may Barangay Boyongan, Placer Surigao del Norte.
Sa maong disgrasya on-the-spot nga napatay ang Provincial manager sa National Food Authority kon NFA-Surigao Del Norte nga si Gleen Plaza Echin, usa ka babaye, 57-anyos, menyu nga taga P-7, Barangay San Juan, Surigao City.
Sa pakighinabi ning sibyahan kang P/Chief Insp. Roldan Almadin, Hepe sa Placer Municipal Police Station, giklaro niining isang-at nila ang kaso ngadto sa piskalya, nga maoy magdetermina na sa posibling kaakuhan sa drayber sa Boom truck nga si Jessie Casas, 44-anyos, menyu nga taga Dinagat Island.
Saysay pa sa opisyal, pauli na unta ang biktima sakay sa iyang service vehicle nga gikan sa Butuan ngadto sa Surigao City sa dihang nakasungag ang boomtruck nga miresulta sa iyang kamatayon.
