Project MORE, gilusad sa DepEd-Butuan
BUTUAN CITY – Pormal nang gilusad sa Department of Education kon DepEd-Butuan City Division sugod ning adlawa ang Project Mobile Reading Enhancement kon Project MORE.
Gisugdan kini sa elementaryang tunghaan sa Brgy. Maug ning siyudad kansa gituyo tungod kay mamahimo na matud pa kining pilot area sa musunod nga mga adlaw.
Gibutyag ni Romeo Aprovechar – schools division superintendent sa DepEd-Butuan City Division, tumong niini nga ma-enhance ang reading skills sa mga bata ilabina ang mga slow learners kinsa pahulamon nila og libro.
Ang maong mga libro matud pa, ilang gihulaman sa DepEd-Surigao del Sur Division kansa duna’y library hub nga butangan sa ipahulam nga mga libro. Plano sa ilang buhatan nga magtukod usab og kaugalingon nilang library hub. (Beth Ruiz)
