BUTUAN CITY- Mingtambong si PBGEN Marcial Mariano Magistrado IV, Regional Director sa PRO13, sa New Year’s Call 2026 nga gipahigayon alang kang Secretary of the Interior and Local Government kon SILG Juanito Victor Remulla sa Philippine National Police kon PNP Multi-Purpose Center, Camp Crame, Quezon City.
Gitigom sa maong kalihokan ang mga senior officials sa Philippine National Police ug Department of the Interior and Local Government kon DILG aron paglig-on ang panaghiusa ug pagpadayag sa ilang komitment sa liderato.
Gipunting usab sa panagtigom ang pagtukod sa estratehikong direksyon sa umalabot pa nga katuigan, kansa nagpasabot sa padayon nga dedikasyon sa PNP sa propesyonalismo ug matinud-anong pag-alagad sa katawhan.
Gipasiugda sa kalihokan ang papel sa PNP sa pagpalambo sa kalinaw ug kahusay sa nasud, diin gihatagan og importansya ang koordinasyon sa DILG aron masiguro nga epektibo ang mga programa ug polisiya sa seguridad.
Ang pag-apil ni PBGEN Magistrado nagpamatuod sa aktibong papel sa PRO13 sa pagtabang sa nasyonal nga mga inisyatibo ug sa paghatag og direksyon alang sa mas lig-on nga pamunoan sa rehiyon.
Ang New Year’s Call nagsilbing plataporma sa pagpanghimatuod nga ang PNP ug DILG magtinabangay sa pag-atubang sa mga hagit sa seguridad ug kalinaw, ug sa paghatag og mas lig-on nga serbisyo sa katawhan sa tibuok Pilipinas.
