BUTUAN CITY- Nanawagan og dayalogo ug paghunong ang bagong Chinese Ambassador sa Pilipinas nga si Jing Quan ug miinsistir nga ang panagbangi sa giilogang kadagatan dili angay nga magdikta sa kinatibuk-ang relasyon tali sa China ug Pilipinas.
Sa usa ka press conference, sigon ni Jing, nga tumong niining palig-onon ang relasyon sa duha ka nasud ug dumalahon ang mga panaglalis pinaagi sa diyalogo.
Sumala niini, adunay katahom ug kahibalo ang duha ka nasud nga resolbahon o dumalahaon ang tensyon, sama sa nabuhat sa China sa ubang nasud.
Gibulgar usab niini, nga adunay initial nga pagkasinabot ang mga diplomat sa duha ka nasud alang sa sunod nga hugna sa dayalogo, ug minglaom kini nga mapas-pasan ang negosasyon sa Code of Conduct sa disputed water karung tuiga samtang ang Pilipinas ang mo-ingkod nga ASEAN Chair.
Gipasi-ugda usab ni Jing, nga ang isyu sa dagat usa ka aspeto lamang sa mas halapad nga relasyon, lakip ang pamatigayon, imprastraktura, ug enerhiya.
Matud pa, nagpabiling pinakadako nga trading partner sa Pilipinas ang China ug bukás kini sa mas daghan pang produktong Pilipino.
Dugang pa sa ambassador, nga dili kinahanglang mamili ang Pilipinas tali sa China ug Estados Unidos, tungdo posibleng aduna kini hapsay nga nag relasyon sa parehong nasud alang sa long-term interes sa katawhan
