BUTUAN CITY- Maayo na ang pamati ni President Ferdinand Marcos Jr., human ma-diagnose og diverticulitis, usa ka kondisyon sa tinae diin kasagari kini nga masinati ngadto sa mga indibidwal nga edaran na o garbe ang stress.
Sumala sa mga Doctor, nga wala kini gi-ila isip life threatening ug pwede kining tambalan pinaagi sa sakto nga pagpahuway, tambal ug pag-atiman sa kahimsog.
Kahinumduman nga gidala ang Presidente sa Hospital niadtong Enero 1 sa gabie, ug nagpabilin kini og usa ka gabie kung asa gipa-ilalom kini sa medical observation.
Sumala sa Presidente sa usa ka interview, nga dili grabe ang iyang kondisyon ug dili kini hulga sa iyang kinabuhi. Sigon usab niini, nga kasagari ang maong sakit mao ang mga tao nga grabe nga na stress.
Dugang pa sa Presidente, nga gipahimangnuan kini sa iyang doctor nga dili magpagrabe sa trabaho, apan sumala niini nga lisud matud pa kini nga sundon tungod sa kadaghan sa iyang mga bulohaton.
Gisiguro usab sa Palasyo nga walay kinanhanglang ikabalaka ang publiko ug gipanghimakak ang mga mingkuyanap nga espekulasyon kalabot sa kahimsog sa Presidente.
Samtang busy na usab gilayon sa trabaho si President Marcos human kini madischarge sa hospital kagahapong adlawa.
Diin kagahapon sa hapon 2 ka private meeting ang gitambongan sa Presidente sulod sa Palasyo Malakanyang
