BUTUAN CITY-Ming-abot na kaga-ina sa kadlawon oras dinhi sa Pilipinas si Indian Prime Minister Narendra Modi sa Israel alang sa iyang ikaduhang bisita, ug gipadayag sa opisina ni Israeli Prime Minister Benjamin Netanyahu nga adunay “tremendous alliance” tali sa duha ka nasud diin pagahisgutan sa mas lapad nga kooperasyon.
Gipahugtan usab ang relasyon sa duha ka nasud pinaagi sa pagperma og investment agreement niadtong miaging tuig sa pagbisita ni Israeli Finance Minister Bezalel Smotrich sa New Delhi, kansa nagpalapad sa mutual trade nga mituhop sa $3.9 bilyon ug mutual investments nga nagkantidad og $800 milyon sa 2024.
Apan ang pagbisita ni Modi natunong sa nagpadayong nga giyera sa Gaza diin nakapatay na og kapin sa 72,000 katawhan ug nakasamdan sa kapin 171,000 sukad Oktubre 2023, nga naghatag ug dakong kontrobersiya sa kalibutan.
