BUTUAN CITY- Gilugwayan pa ang price freeze alang sa basic goods o mga nag-unang palaliton hangtud sa Mayo 10, sumala sa Department of Trade and Industry kon DTI. Kini subay sa mga kasabutan tali sa manufacturers ug retailers. Kahinumduman, inisyal nga gitakda ang price freeze hangtud sa Abril 30.
Sigon ni Trade Secretary Maria Cristina Aldeguer-Roque, mingsugot ang mga manufacturer ug retailers nga lugwayan pa ang price freeze alang sa basic necessity ug prime commodities, base sa ilang pinakabag-ong meeting. Napatuman ang pagpalugway sa price freeze human ang mga konsultasyon sa industry stakeholders, isip parte sa paningkamot nga mamintinar ang stable nga presyo sa mga nag-unang palaliton.
Nakita usab matud pa nga nakatabang ang pag-ubos sa presyo sa lana sa desisyon nga walay paglihok sa mga presyo sa mga basic good.
