BUTUAN CITY – Nagpahimangno ang Department of Energy nga posibleng mu-abot og hangtud sa 20-pisos matag-litro ang isaka sa presyo sa mga produktong petrolyo sa musunod nga mga adlaw tungod sa nagpadayong tensyon sa Middle East.
Sigon ni Rino Abad, director sa Department of Energy – Oil Industry Management Bureau, kung musaka ang presyo sa matag-bariles sa lana sa pangkalibutanong merkado, ingon niini usab ang mahitabo sa local market.
Gani sa unang adlaw pa lang sa trading ning semanaha, nakita na ang taas nga presyo sa lana rason nga nakig-alayon na sila sa Department of Transportation, Department of Agriculture ug uban pang ahensya sa gobyerno alang sa posibleng pagpagawas og mga oil subsidies.
Ang maong ayuda, ipatuman kung ang presyo sa Dubai crude, mu-abot og hangtud sa 80-dolyares matag-bariles sulod sa usa ka buwan, base na usab sa barometer sa mga negosyante.
