-- ADVERTISEMENT --
BUTUAN CITY–
Ipatuman karong adlawa sa mga kompaniya sa lana sa nasud ang usbaw sa presyo sa mga produktong petrolyo. Sumala sa abiso nga gipagawas sa mga kompanya sa petrolyo nga ilang ipatuman ang P0.40 nga usbaw matag litro sa gasolina, P0 .95 matag litro sa diesel ug P0.85 matag litro sa kerosene kansa epektibo alas 6 karong buntaga.
Ang pagpatuman og umento sa presyo sa mga produktong petrolyo tungod gihapon sa padayon nga paglihok sa presyo niini sa internasyonal nga merkado.
Kahinumdoman nga niadtong Martes lang, ang mga kompaniya sa lana sa nasud nipatuman og big time oil price hike diin nisaka ang presyo sa P1.10 matag litro sa gasolina, P1.55 matag litro sa diesel ingon man P1.40. kay kada litro sa kerosene.
