BUTUAN CITY- Nahagsa ang presyo sa krudo sa pangkalibotanong merkado human gi-anunsyo sa Iran nga “completely open” na ang Strait of Hormuz sa mga commercials ships nga mo-ag sa maong agi-anan.
Sumala sa taho, ming-ubos sa labing-minus $88 matag bariles ang Brent crude gikan sa kapin $98 niadtong Sabado (adlaw sa Pilipinas). Ang Strait of Hormuz usa ka importanteng ruta nga nagdala og dul-an 20% sa pangkalibotanong lana ug liquefied natural gas.
Sigon ni Iranian Foreign Minister Abbas Araghchi nga posibleng maka-agi ang tanang commercial vessels samtang anaa ang ceasefire sa rehiyon.
Tungod niini, mingsaka usab ang mga stock market sa U.S. ug Europa kung asa minhgsaka ang S&P 500, Nasdaq, ug Dow Jones og hangtud kapin 1%, samtang ang mga merkado sa Europa sama sa DAX sa Germany ug CAC sa France mingsaka og kapin 2%. Kahinumdumang adunay pagsaka sa presyo sa lana niadtong miaging simana tungod sa dahil sa tensyon tali sa Iran ug Israel, kung asa ming-abot pa kini sa kapin $100 matag bariles ug adunay higasyong minglapas pa sa $119.
Taliwa sa pagbukas sa ruta, nagpabiling mabinantayon ang pipila ka shipping companies ug gi-ingong maghulat una sila adiser mo-agi sa maong lugar tungod sa isyu sa seguridad.
Samtang, pipila ka analyst ang nagbutyag nga posibleng magpabiling magusab-usab ang presyo sa lana samtang dili pa hingpit nga lig-on ang sitwasyon sa rehiyon.
