BUTUAN CITY – Nakatala na usab ang Butuan City Police Station kon BCPS-1 ug reklamong pagpangilad batuk kang Kevin Atienza.
Naila ang reklamante nga si Jon Mark Sucia, 28-anyos, olitawo ug miyembro sa K&A Holistic Company nga taga Purok-Lawaan, Barangay Pangabogan ning siyudad sa Butuan.
Base sa reklamo sa lalaki nga nagpagamit siya sa iyang usa ka unit nga putting sakyanan nga dunay temporaryong plaka numero nga 150110.
Gipagamit matud pa niya kini kang Kevin John Atienza, 29-anyos, olitawo ug CEO sa K&A Holistic Company nga taga Barangay Baan km-3, Butuan City apan hangtud sa pagkutlo niining balita, wala pa mauli ang maong sakyanan.
Nasayrang natigayon ang maong insidente niadton Oktubre 5, 2017 sa alas 9:00 ang takna sa kagabhion didto mismo sa K&A Holistic Company sa may Barangay Silongan ning dakbayan. (Rolan Janea)
