BUTUAN CITY- Giprioridad ni Presidente Ferdinand Marcos Jr. ang panawagan sa paghatag og edukasyon sa kababayen-an atol sa iyang pamahayag sa 70th session sa United Nations Commission on the Status of Women sa New York kaghapon Marso 9, 2026, diin iyang giila ang mga kababayen-an isip “cornerstone of nation-building.”
Gipunting niini, nga ang edukasyon sa usa ka babaye makapalig-on sa pamilya, makapahugot sa komunidad, ug makapalapad sa posibilidad sa nasud. Sigon pa ni Marcos, padayon nga naghulma ang kababayen-an sa demokrasya, ekonomiya, ug kinaiya sa Pilipinas, bisan pa sa ilang giatubang nga diskriminasyon, violence, ug kakulang sa oportunidad.
Gipangayo ni Marcos ang tinuod nga kaangayan pinaagi sa pagbag-o dili lang sa polisiya apan usab sa kultura, ug giingon nga kinahanglan nga makita ang kababayen-an sa tanang desisyonan—sa gobyerno, negosyo, siyensya, diplomasya, ug peacebuilding.
Gikatakda usab kini nga makigtagbo kang United Nation Secretary-General Antonio Guterres, karung adlawa.
