BUTUAN CITY-Gipalig-on sa kapulisan sa Butuan City ang police visibility pinaagi sa aktibong pakig-partner sa Barangay Anti-Criminality Action Plan, ubos sa direktiba ni Police Colonel Restituto Lacano Jr., City Director sa Butuan City Police Office.
Sumala ni PMSG. Paul Cebrian Jr. Community Affairs Division, Police Non-Commissioned Officer sa Butuan City Police Station 1, nga gipaningkamotan sa kapolisan nga ma-mobilize ang mga barangay tanod ug uban pang force multipliers aron masiguro ang kalinaw ug seguridad sa komunidad, samtang gidasig usab ang Non-Governmental Organizations kon NGOs nga motabang sa mga lakang sa crime prevention ug crime solution.
Sigon pa ni Cebrian, nga sama matud pa sa gibutyag sa City Director nga, “public safety and security is our shared responsibility,” tungod sa kadako sa area diin asa gikinahanglan ang whole-of-nation approach aron mas epektibo ang pagpanguna sa peace and order sa syudad.
