Police station sa Butuan City, gi-harass mga rebeldeng NPA

BUTUAN CITY – Wala’y natalang casualty sa mga sakop sa Butuan City Police Station 5 nga nahimutang sa Brgy. San Mateo ning siyudad sa Butuan human kini gi-harass kaganinang alas-8:15 sa buntag sa mga rebeldeng New People’s Army nga miresulta sa 15-minutos nga sinukli-ay sa mga bala.
Sigon ni Lt. Kevin Gordolan – Civil Military Operations kon CMO officer sa 23rd Infantry Battalion, Philippine Army, mga sakop sa Guerilla Front Committee 4A ang mi-harass sa nasangpit nga police station og dihang na-alanganin, nanibat na hinungdan nga gilusad nga hot pursuit operations og paglusad sa mga pulis og checkpoint.
Narekober sa encounter site ang ubay-ubay nga mga bala sa mga high powered firearms og gisuta pa kung duna ba’y casualty sa panig sa mga rebelde.
Samtang sigon usab sa usa ka residente sa maong lugar nga na-ila lang sa pangalang Elpe, iyahay lang og paniid ang mga residente kinsa mibati na og kahupay human nga nag-checkpoint na ang mga pulis dihang palayo na ang mga rebelde.
Lisod matud pang atakihon sa walhong grupo ang nasangpit nga police station tungod kay nahimutang kini sa high ground gawas nga napalibutan usab kini og mga balay sa mga sibilyan. (Beth Ruiz)