BUTUAN CITY – Nadismaya ug gisayangan ang ubang mga overseas Filipino workers ilabina ang pipila ka mga supporters ni kanhi Pangulong Rodrigo Duterte human nakumpirmang dili kini sa confirmation of charges hearing nga gitakda sa International Criminal Court nga himuon gikan sa Pebrero 23 hangtud 27.
Sigon ni Bombo international correspondent sa The Hague, Netherlands nga si Angel Axinto, napatay ang ilang excitement nga makita na sa hingpit ang kanhi pangulo ilabina nga mag-usa ka tuig na silang wala’y pu-as nga magtapok sa gawas sa iyang detention facility aron ipakita ang ilang suporta ug gugma ngadto kaniya.
Apan bisan pa man sa ilang pagkadismaya, gipadayag niini nga dili gihapon matarog ang ilang suporta ngadto sa kanhi pangulo mutambong man siya o dili sa mga pagdungog.
Kamatu-uran niini, padayon ang senimana nilang panagtapok sa gawas sa detention facility aron ipakita ang ilang panaghi-usa gawas pa sa aktibo nilang kampanya sa social media ang ilang mga kalihukan nga naghatag kanila og kusog ug inspirasyon aron ipadayon ang nasugdan na nilang mga kalihukan hangtud nga makabalik kini sa Pilipinas nga buhi taliwa sa mga kasong gipasaka batuk niini.
