BUTUAN CITY – Daghang oportinidad ang nadawat sa 18-anyos nga si Hillary Diane Andales human mikampyon sa 2017 World Breakthrough Junior Challenge nga gipahigayon sa Ames Research Center sa National Aeronautics and Space Administration sa California, USA.
Sa eksklusibong pakighinabi sa Bombo Radyo Butuan, gibutyag sa magtutungha sa Philippine Science High School- Eastern Visayas campus nga nakabase sa Palo, Leyte, nga apil sa makonsidera niyang ‘best things’ nga nakuha sa maong kompetisyon mao ang pagbaton niya og koneksyon tali sa mga milyunaryong founders sa Breakthrough Prize, apil na sa mga top scientists sa tibuok kalibutan kinsa malipayong nakighimamat kaniya.
Anaa pa ang mga colleges sa Amerika nga naghanyag kaniyang mutungha sa ilang mga tunghaan. Tungod matud pa sa maong mga connections, nakabaton siya og lahi na nga perspective kalabot sa kalibutan og mas midaghan ang oportunidad alang kaniya.
Anaa pa ang gihanyag kaniya sa mga founders sa Breakthroguh Prize ang paghimo og mga proyekto may kalambigitan sa siyensya ingon man film-making. (Beth Ruiz)
