BUTUAN CITY – Opisyal na nga gi-ila sa Guinness World Records ang usa ka lionhead rabbit nga ginganlag Herbie isip “Oldest Living Rabbit In The World” human maka-abot sa edad nga 15 ka tuig ug 82 ka adlaw.
Ang maong klase sa rabbit, kasagaran mabuhi sulod sa 7 ngadto sa 10 ka tuig, rason nga nakurat sila si Richard ug Melissa Dunham dihang gidoble ni Herbie ang iyang lifespan.
Gi-atiman sa magtiayon ang rabbit dihang walo pa lang ka semana ang edad niini.
Atol sa taas nga kinabuhi ni Herbie, aduna siyay tulo ka “asawa” (Flopsy, Tinks, ug Betty) kans pulos na namatay.
Sumala ni Melissa, ang ilang binuhi, kusgan kaayo ug medyo “bossy” nga personalidad.
Ganahan siyang mogukod kang Richard isip dula, ug kanunay usab nga mga binky.
Bisan pa sa agresibo sa iyang pagkabatan-on, si Herbie nahimong mas malumo ug kalmado samtang siya nagkatigulang, kanunay nga molingkod tupad nila sa sopa..
