-- ADVERTISEMENT --
BUTUAN CITY- Gipasiugda pag-usab sa Pilipinas ug laeng 13 ka kaalyadong nasud nga walay legal nga basehan ang lapad nga pag-angkon sa China sa West Philippine Sea, sa ika-10 nga anibersaryo sa ruling sa Permanent Court of Arbitration kon PCA.
Sa ilang hiniusang pahayag, ilang gibutyag nga ang arbitral ruling niadtong Hulyo 12, 2016, pinal, legal nga nagbugkos, ug kinahanglan respetuhon, samtang gi-awhag ang tanang partido nga sulbaron ang mga panaglalis pinaagi sa malinawon nga dayalogo ug pagsunod sa United Nations Convention on the Law of the Sea kon UNCLOS.
Gipadayag usab sa Estados Unidos ug European Union ang ilang lig-on nga suporta sa maong desisyon, bisan pa sa padayon nga pagdumili sa China sa pag-ila sa arbitral ruling.
