BUTUAN CITY – Nagbalaka ang Philippine Coast Guard (PCG) mahitungod sa nagispatang presensya sa usa ka barko sa Chinese Coast Guard (CCG), nga gitumbok isip CCG 5901, dool sa Exclusive Economic Zone (EEZ) sa Pilipinas.
Ang maong barko nga naila isip ‘monster ship tungod sa kadako niini nga 12-mil ka tonelada, lima ka higayon nga mas dako kaysa sa pinakadakong mga barko sa PCG ang nadetect gikan sa 54 nautical miles sa lugar sa Capones Island sa Zambales.
Gamit ang Dark Vessel Detection System sa Canada, gikumpirma sa PCG ang nakitang barko sa China kagabii diin gelayong gipadala ang BRP Cabra, usa ka helicopter, ug ang PCG Caravan aron mapanid-an ang nasangpit nga barko.
Gipamugos sa PCG nga ang presensya sa barko sa China, sa sulod sa EEZ sa Pilipinas usa ka hagit sa soberanya sa Pilipinas.
