BUTUAN CITY- Nanawagan si President Ferdinand Marcos Jr. sa mga Pilipino nga pakusgan ang panaghiusa ug pagtuo samtang gisulog ang Semana Santa o Holy Week.
Sa iyang mensahe, giawhag sa Presidente ang publiko nga maggahin og oras alang sa pagpahulay ug pagpamalandung, ug palig-unon pag usab pagpakabana ug serbisyo sa uban.
Gipasiugda usab ni President Marcos ang sakripisyo ni Jesus Christ, diin sumala pa niini usa ka pahinumdom nga ang tinuod nga kahalangdon makita sa sakripisyo, dili sa gahum. ” For in every act of compassion, every hand extended to those in need, and every sacrifice made for the good of others, we keep alive the spirit of His message,” pahayag ni Pangulong Marcos.
Gidasig ni Pang. Marcos ang matag Pilipino nga magpabiling lig-on sa pagtuo, magtinabangay taliwala sa mga pagsulay, ug magkahiusa alang sa mas mauswagon ug maloloy-on nga “Bag-ong Pilipinas.”
