BUTUAN CITY – Gikumpirma sa Office of the Civil Defense kon OCD-Region 11 nga misaka na sa walo ang ihap sa mga namatay sa Davao Region tungod sa landslides nga mi-igo sa Davao de Oro ug Davao Oriental ning mi-agi pang mga adlaw.
Una niini ang natigayon sa Purok lima, Barangay Rizal, lungsod sa Monkayo, Davao de Oro nga mikalas sa mag-amahang Remedio.
Base sa datos sa Regional Disaster Risk Reduction and Management Council kon RDRRMC, mi-abot sa 20,892 ka mga pamilya kon bugti sa 84,208 ka mga indibidwal ang na-apektuhan sa baha gikan sa onse ka lungsod ug 84 ka mga barangay sa Davao de Oro.
Sa pagkakaron, padayon gihapon nga nasinati sa Davao Region sa dili maayong lakat sa panahon rason nga unom ka mga kalsada ug tulo ka tulay sa mga lungsod Montevista ug Monkayo ang dili pa ma-agian sa mga sakyanan.
Sa inisyal nga report, mukabat sa 376,328,930-pisos ang kadaot nga sa agrikultura, samtang 957,800-pisos ang kadaot sa mga binuhing kahayupan sa mga mag-uuma sa Davao de Oro.
