Patay sa bagyong Basyang sa Caraga Region, nadugangan og upat samtang laing 5 usab nadugang sa missing

BUTUAN CITY – Nadugangan na usab ang natalang walo ka tawong patay sa Caraga Region sa pagkuso-kuso sa bagyong Basyang human narekober kagahapon ang patay’ng lawas sa upat ka mga tawo sa lungsod sa Alegria, Surigao del Norte.
Gi-ila ni municipal administrator Crizaldy Esma ang duha sa mga biktima nga sila Gerson Damalerio og Reynaldo Cadayao samtang padayon pang gi-ila ang laing duha nga napalgan sa kalubian duol sa tulay sa Brgy. Magtiaco og Brgy. Oano.
Sigon sa opisyal, nalubong nga buhi ang duha sa mga biktima tungod sa landslides samtang na-anod usab sa tubig baha ang laing duha.
Padayon pang gipangita ang lima ka lain pang missing kinsa apil sa nadala sa na-anod nga mga Falcatta logs dihang gibanlas sa tubig-baha.