BUTUAN CITY – Padayon pang gisuta sa kapulisan uban sa mga sakop sa Bureau of Fire Protection sa Surigao City ang kinatibuk-ang damyos human gilamoy sa kalayo ang Lovely Pasalubong and Souvenir Center sa Surigao City pasado alas-6:50 sa gabii.
Sigon ni P/Supt. Diomedes Cuadra sa Surigao City Police Station, gisuta pa nila ang gigikan sa pag-ulbo sa kalayo gikan sa sulod nga bahin sa ground floor sa Surigao del Norte Provincial Grandstand nga nahimutang sa Rizal Highway.
Duna matud pa’y mga souvenir items sa ibabaw nga bahin sa maong tindahan nga wala na-apil pagkasunog og padayon pang gi-invetory sa tag-iya.
Hinuon’ wala’y natalang angol sa maong insidente tungod kay dili pa man oras nga tingtulog gawas nga ukupado pa usab ang mga occupants sa ilang negosyo sa pagpanguna sa tag-iya niining si Marilyn Reyes-Acedo. (Beth Ruiz)
