BUTUAN CITY – Nanawagan si Most Reverend Archbishop Charles John Brown, Dean sa Diplomatic Corps ug Apostolic Nuncio to the Philippines nga sundon ang international law ug diplomasiya aron malikayan ang bisan unsang kagubot.
Gihimo ni Archbishop Charles John Brown ang panawagan atol sa pagtambong sa paghost ni Pangulong Ferdinand R. Marcos Jr. sa tradisyunal nga vin d’honneur sa Palasyo ng Malakanyang dungan sa ika-126 ang anibersaryo sa Philippine Independence and Nationhood.
Sumala niini, ang kasamtangang geopolitical situation sa Pilipinas dili na bag-o tungod kay nakasinati kini og kagubot bisan sa nakalabay nga mga katuigan.
Pagklaro sa Papal NUncio nga kung gusto nato og luwas nga kalibutan, ipaagi sa saktong dayalogo.
Gipunto ni Bishop Brown nga nagkinahanglan og taas nga pasensiya, seryosong dayalogo og respeto sa International Law aron makab-ot ang kalinaw.
Nasayrang lakip sa nakatambong sa aktibidad si Chinese Ambassador to the Philippines Huang Xi Lian nga nakitang nakig-estorya pa kang Pangulong Marcos Jr.
