BOMBO BUTUAN – Dili layo nga mapahamtangan ug silot si Pangulong Rodrigo Duterte sa pag-abante na preliminary examination sa International Criminal Court kon ICC sa gipasakang kaso batuk sa pangulo.
Sa eksklusibong pakighinabi sa Bombo Radyo Butuan kang ACT Partylist Rep. Antonio Tinio, gibutyag niini nga duna nay mga kaso nga gi-aresto ang head of state o kanhi lider sa nasud tungod sa gipakanaog nga warrant of arrest gikan sa ICC.
Ugaling dunay manubag sa extra judicial killings ang nag-unang makabenipisyo niini mao ang mga pamilya sa mga napatay, tungod kay makakuha na sila ug hustisya.
Gi-angkon na matud pa sa Pangulo nga kabahin na sa giyera kontra drugas ang pagpatay, ug mapamatud-an kini sa liboang nakalas nga kinabuhi bisan ug walay due process sukad nga gisugdan ni Pangulong Duterte ang war on drugs.
Wala matud pa masolbad ang isyu sa nasyunal nga level tungod sa hugot nga paglimod sa administrasyon nga dunay extra judicial killings og kini ang rason nga kinahanglang ipaabot kini sa ICC nga maoy maghimu ug imbestigasyon ug persecution.
Dili matud pa makalikay niini ang Pilipinas tungod kay lakip kini sa mipirma sa International Treaty nga midawat sa jurisdiction sa ICC sa mga reklamong duna’y kalambigitan sa crimes against humanity.
Nagtoo usab si Cong. Tinio nga patas ang himoong preliminary examination sa ICC. (Rolan Janea)
