BUTUAN CITY – Nagpabiling malaumon ang usa ka inahan nga subli pa nilang makauban ang ilang 1- year old nga bata kansa nawala mag-usa ka tuig na.
Emosyunal nga gisaysay sa inahan nga si Maribeth Fernandez Geocadin nga taga Buguac, Sta. Cruz,Tagoloan, Cagayan de Oro City, Misamis Oriental ug kasamtangang nagpuyo sa Cabadbaran City, Agusan Del Norte, ang pagkawala sa iyang anak nga si Sofia Faith Fernandez Geocadin, 1-year old ug seven months sa dihang kini nawala niadtong Pebrero 22, 2017.
Sa eksklusibong pakighinabi sa Bombo Radyo Butuan ngadto sa inahan, gisaysay niini nga miadtu lang sila sa ilang silingan kay dunay tapok-tapok gikan sa kasal.
Nag-init lang matud pa siya ug tubig sa kusina ug ang iyang inahan ang nagbantay sa bata sa dihang wala na-aling-gate ang pagkahanaw niini.
Sukad niadtong higayona, nagkadiin-diin na sila ug pangeta sa iyang anak ug hangtud sa karun, wala sila nawad-an ug paglaum nga kini makit-an.
Gibutyag pa sa inahan nga duna na silay gidudahang tawo nga ila ra usab nga silingan, nga maoy nagkuha sa bata og gane ila na kining gipaabot sa NBI, sa Camp Crame ug sa Malacañang, apan wala gihapoy kalambuan.
Dako ang pagtoo niini nga kaila lang nila ang nagkuha niini tungod kay wala man poy hilak nga nadunggan sila sa dihang nawala ang bata.
Nasayran nga ang amahan sa bata nga si Marin, Jagunos Geocadin, nagtrabaho pa sa gawas nga nasud isip seaman atol sa pagkawala sa maong bata, hinungdang karun nalang sila nagkauban sa pagpangeta niini.
Midangop sila sa Bombo radyo Butuan sa tungod sa paglaum nga makita ang ilang anak. Sa karun, mag-tres anyos na ang nawalang bata.. Ang gusto nila karun nga ma-follow-up ang NBI mahitungod sa ilang sumbong.
