BUTUAN CITY – Dako ang pagpasalamat sa 18-anyos nga junior high school student nga si Hillary Diane Andales human mikampyon sa global science competition nga 2017 World Breakthrough Junior Challenge nga gipahigayon sa National Aeronautics and Space Administration’s Ames Research Center in California.
Sa eksklusibong pakighinabi ning sibyahan, gibutyag sa magtutungha gikan sa Philippine Science High School- Eastern Visayas champion nga nakabase sa Palo, Leyte, tungod sa maong kada-ugan, iyang nadala ang pangalan sa Pilipinas ngadto sa tibuok kalibutan.
Iyang gidugang nga dako og natabang sa iyang kada-ugan ang gipahigayong national training ngadto sa ilang DNA laboratory kondiin ang mga scientists gikan sa Estados Unidos kansa gitambungan usab sa mga biology students gikan sa nagkada-iyang tunghaan sa Pilipinas.
Nasayrang kapin sa onse-mil ka mga entries ang apil sa maong kompetisyon og ang entry ni Andales kalabot sa relativity og equivalence sa reference frames nga masabtan bisan sa mga yanong tawo ang midaog.
Tungod niini, iyang nabulsa ang balor 400-mil dolyares kon bugti sa kapin 20.3-milyunes pesos nga premyo og apil na niini ang scholarship grant ang 250-mil dolyares alang sa iyang tunghaang kolehiyo.
Kini lahi pa sa sien-mil dolyares nga gahin sa laboratorya lang sa tunghaang iyang eskwelahan og 50-mil dolyares nga cash prize alang sa magtutudlong maoy nag-inspire kaniya pagsalmot sa maong kompetisyon.
Apil sa iyang gipasalamatan ang Bombo Radyo Butuan tungod sa pagtabang sa online campaign alang sa iyang entry hinungdan nga wala niini kalimti paglitok ang sikat nga extro sa Bombo Radyo Philippines. (Beth Ruiz)
