BUTUAN CITY – Gipahayag ni U.S. President Donald Trump nga matud pa misugot ang Iran nga dili ihinayon ang pagbitay sa walo ka babayeng raliyista human matud pa siya mihangyu ug isip respeto na usab sa iya nga Pangulo sa Estados Unidos.
Sumala ni Trump, upat sa mga kababayen-an buhian gelayon samtang upat usab ang mapriso og usa ka buwan.
Gitawag niya kini nga “Very good news” ug gipamugos nga tungod kini sa iyang hangyu rasong wala nahinayon ang planong pagbitay.
Bisan paman niini, gihimakak usab sa mga awtoridad sa Iran ang pamahayag ni Trump.
Sigon sa Iranian judiciary news agency nga Mizan News Agency, walay nakatakdang planong pagbitay sa nasangpit nga mga kababayen-an ug gibutyag nilang hinimo-himo lang kini sa Amerika.
Pamugos pa sa Iran, gigamit lang ni Trump ang isyu aron magpakitang-gilas ug ilihis ang atensyon gikan sa mga hisgutanan sa giyera ug tensyon sa rehiyon, lakip na ang isyu sa Strait of Hormuz.
Sumala sa Iran, dunay pipila ka mga babayeng giaresto ang gibuhian na samtang ang uban usab nag-atubang sa kaso nga mamahimong magresulta sa pagkapriso apan dili sa silot kamatayon.
Wala pay opisyal nga pamahayag gikan sa White House ug Iranian Foreign Ministry mahitungod sa isyu.
