BUTUAN CITY – Gipaneguro ni Armed Forces of the Philippines (AFP) Spokesperson for the West Philippine Sea ug Philippine Navy Inspector General RADM Roy Vincent Trinidad nga ang pagtaas sa ihap sa presensiya sa Chinese Communist Party sa West Philippine Sea walay kalambigitan sa nagpadayon nga armed conflict sa Middle East.
Sumala pa niini nga sa nakalabay lang nga semana muabot sa 34 ka mga barko sa China ang nasigpatan sa WPS nga halayo sa 21 niadtong ulahing duha ka semana sa Pebrero.
Bisan paman niini, gipaneguro usab ni Trinidad nga walay nakitang mahimong pagkunhod sa mga pagbansay ang militar ilabina ang mga pagpatuman sa mga bilateral activities kauban ang Estados Unidos isip kaalyadong nasud niini.
Samtang gibutyag usab sa tigpamaba nga gilauman sa karun ang dili moubos sa 500 pa ka mga aktibidad sa ilalom sa Mutual defense Board-Security Exchange Board.
