BUTUAN CITY – Gi-angkon sa nagpailang tigpamaba sa Guerilla Front Committee 30 sa New People’s Army kon NPA nga si Ka Sandara ang pagpatay sa duha ka mga miyembro sa tribung Manobo sa lungsod sa San Miguel, Surigao del Sur nga sila Zaldy ‘Domingo’ Ybañez, 65-anyos ug Datu Bernardino ‘Bandi’ Astudillo, 70-anyos, tribal chieftain sa Brgy. Magroyong sakop sa maong lungsod.
Sa pakighinabi sa Bombo Radyo Butuan kang Ka Sandara, giyagyag niini nga nakakomitar matud pa sila og sala kondiin si Datu Bernardino duna matud pa’y reklamong pagpanglugos sa iyang duha ka mga anak og umagad lakip na ang pagpangilog ug yuta kondiin duna siya’y ibaligya nga yuta og dihang matikad na kini sa nakapalit, iya kining bawi-on.
Samtang si Zaldy ‘Domingo’ Ybañez usab, apil sa natigayong mga karaang mga tulis og pagpatay.
Nagpabug-at usab sa reklamo batuk sa mga gipatay ang pagpagamit matud pa nila sa militar pinaagi sa paghatag ug impormasyon kondiin daghang higayon na matud pa silang gi-estorya sa kalihukan og gihimangnoan sa ilang nabuhat nga sala apan gibaliwala lang matud pa nila kini.
