BUTUAN CITY – Padayon pa ang imbestigasyon sa kapulisan sa natigayong pagpamusil pasado alas-8:50 kagabii sa Purok 1, Brgy. 3, Poblacion, Cabadbaran City sa lalawigan sa Agusan del Norte nga miresulta sa pagkamatay sa upat ka tawo samtang usa ang angol.
Gi-ila ni PO2 Glenn Villania ang mga namatay nga sila Bryan Pagal, 27-anyos, residente sa Brgy. Tolosa uban nila Lotter Ladria , tag-iya og videokehan, Jade Tagaro, 25-anyos,og Ricky Careras, 33-anyos, pulos residente sa Brgy. 3 Poblacion samtang ang mga angol og na-ospital na-ilang si Jarrey Abasolo.
Sigon ni PO2 Villania, unom matud pa tanan nga nag-inom sa videokehan ni Ladria apan mipa-uli na og una ang usa ka ka-uban sa mga biktima hinungdan nga nakalikay kini sa maong hitabo.
Samtang gibutyag usab ni Jarrey Abasolo nga blangko siya sa motibo sa kremin tungod kay wala siya’y kontra og wala usab siya’y nasayran nga duna’y kontra ang iyang mga ka-uban. (Beth Ruiz)
