BOMBO BUTUAN – Gipadali matod pa ang proseso alang sa pag amyenda sa 1987 constitution sa nasud human ang daling gi-aprubahan sa kongreso sa resolution alang pag-convene sa kamara isip constituent assembly kon Con Ass.
Sa eksklusibong pakighinabi sa Bombo Radyo Butuan kang Akbayan Rep. Tom Villarin, gibutyag niini nga gi-aprubahan na ang concurrent resolution no. 9 nga maoy mupatawag ug ConAss isip behikulo sa pag-usab sa 1987 constitution.
Sumala ni Villarin gi-aprubahan ang resolusyon nga wala’y nahimong diskusyon kansa klaro nga gidali-dali ang maong lakang.
Dili matod pa maayo nga ipaagi sa ConAss ang pag amyenda sa batakang balaud diin ang incumbent nga mga kongresista ug senador ang gihatagan ug gahom alang sa pagbag-o sa konstitusyon.
Tungod niini, lauman nga nag-unang lakang ang pag-usab sa termino sa pulitiko lakip na niini ang pag-postpone sa 2019 election og ang pagbag-o sa committee of amendments gikan sa 11 ka estado ngadto sa 5 ka estado.
Dugang ni Villarin, bisan og wala pa gipresent sa plenaryo ang maong kabag-uhan apan la-umang aprubahan gilayon ang idusong sugyot sa ubos balay balauranan.
Gitumbok sa kongresista ang pipila ka mga concerns nga wala nahisgutan sa gidusong Federal form of Government, sama sa Political dynasty nga nag unang problema sa nasud.
Samtang madugangan usab matod pa ang bureaucracy sa mga lokal nga panggamhanan pinaagi sa political appointee.
Anaa pa ang pagpabiling highly centralized sa authority tungod sa pagdumala ilawom sa pangulo ilawom sa pederalismo. (Melody Valledor)
