BUTUAN CITY – Dakong kalampusan alang sa Pilipinas human gi-ila sa IFC-World Bank ang Philippine Zone Economic Authority kon PEZA nga maoy nag-apply sa best economic zone practices sa tibuok kalibutan.
Sa eksklusibong pakighinabi sa Bombo Radyo Butuan, gipadayag ni Dr Charito ‘Ching’ Plaza -chairman sa Philippine Economic Zone Authority kon PEZA nga tungod niini, ang Pilipinas ang numero unong nasud sa tibuok kalibutan nga atraktibo kaayo sa mga investors sa tibuok kalibutan.
Gidugang sa opisyal nga plano pa niyang dugangan ang 379 ka mga kasamtangang economic zones nga nagkatag sa tibuok Pilipinas hinungdan sa iyang paglibot sa tibuok nasud.
Kini aron ipasabot sa mga opisyal sa lokal nga kagamhanan apil na sa regional development councils, business chamber of industries apil na sa mga pribadong nanag-iya sa yuta sa ingon matilawan sa tanang Filipino ang kalampusang mahatud sa PEZA.
