BUTUAN CITY – Alang sa Holy Week 2026, nanawagan si Archbishop Gilbert Garcera, Presidente sa Catholic Bishops’ Conference of the Philippines (CBCP) ngadto sa mga magtutuo nga himuon kini nga panahon sa tinuod nga pagbag-o sa kinabuhi.
Nanawagan siya sa tanan nga hinuktukan ang dakong gugma sa Diyos ngadto kanato pinaagi sa pagpalansang sa krus aron lang dawaton kitang tanan gikan sa pagpakasala.
Bisan matud pa sa kagubot karon sa Middle East, dili angayang kalimtan sa tanan ang pag-ampo tungod kay ang Ginoong Hesu Kristo man ang hari sa kalinaw.
Gipahinumdoman usab niya ang kamahinungdanon sa panaghiusa sa pamilya, pinaagi sa panagtigom, panag-istorya, ug pag-ampo nga magpabaskog sa relasyon.
Ang Holy Week, sumala kaniya, usa ka higayon sa pagpahiuli sa nasamdan nga relasyon ug pagpalig-on sa gugma.
