BUTUAN CITY-Big-time na usab ang i-usbaw sa presyo sa produktong petrolyo sa ika-tulo nga simana.
Ang Diesel posibleng mohapak ngadto sa P120 matag litro sa sunod simana, samtang magdula tali sa P90 ang mataglitro sa gasolina.
Sumala sa usa ka Industry expert adunay daghang pamaagi aron nga makatipid karung nagpadayon nga mingsaka ang presyo sa lana.
Sumala pa ni Raphael Capinpin, Executive Director sa Philippine Institute of Petroleum, nga gawas sa likayanan ang pagsigeg gawas sa panimalay, siguraduhon usab matud pa nga planado ang mga lakaw.
Samtang sumala usab ni Kanhi Department of Energy Secretary Jericho Petilla, nga kung magpadayon pa ang kagubot sa Middle East posibleng mohapak ngadto sa P120 matag litro ang mga produkto sa lana.
Sigon pa ni Petilla, nga dul-an 100% sa supply sa lana sa Pilipinas naggikan sa gawas sa nasud o imported hinungdan nga usa ang Pilipinas sa tibuok kalibutan ang grabe nga na-apektuhan sa crisis sa lana.
