P1.4M nga kantidad sa dried marijuana leaves, gi-abandona sa kadagatan sa Surigao del Sur

BUTUAN CITY – Padayon ang imbestigasyon sa kapulisan sa Tandag City, Surigao del Sur aron ma-ila ang nanag-iya sa mga pina-ugang dahon sa marijuana nga gisulod sa usa ka plastic container og gi-abandona sa dagat sa Brgy. Buenavista.

Sigon ni SPO3 Porferio Serrano Jr. sa Tandag City Police Station, nakit-an sa mga mananagat ang gibana-banang 1.4-milyunes pesos nga kantidad sa marijuana nga gisulod sa dakong plastic container og gipalutaw diha sa kadagatan sa Brgy. Buenavista.

Dugang ni Serrano, kini ang unang higayon nga nakarekober sila og ingon niini kadaghang pina-ugang dahon sa marijuana nga gidala na nila sa Provincial Crime Laboraory alang sa eksaminasyon og saktong disposasyon. (Beth Ruiz)