BUTUAN CITY – Wala musalir ang kampanya sa mga membro sa Kabus Padatoon kon KAPA Community International Ministries Incorporated nga dili botaran ang kandidatura sa mayor sa Bislig City, Surigao del Sur nga maoy pinaka-unang nagpahunong sa ilang operasyon adiser kini milipang sa ubang lugar sa Mindanao.
Kini human nga malampusong napili pagka-besi gobernador sa Surigao del Sur si outgoing Mayor Librado Navarro.
Mahinumdumang si Mayor Navarro ang pinaka-unang local chief executive nga mipa-revoke sa business permit sa KAPA human mi-abot kaniya ang daghang reklamo batuk sa ilegal nga operasyon niini.
Giklaro sa incoming vice governor nga posibleng nakita lang sa mga tawo ang sakto niyang trabaho ilabina dihang iyang gi-aksyunan ang mga reklamo batuk sa KAPA rason nga wala siya biyai sa iyang tinguhang makaserbisyo sa mas dako nga hut-ong sa katawhan dili lang sa siyudad sa Bislig kondili apil na sa uban pang mga siyudad og kalungsuran sa ilang lalawigan.
Alang kaniya, wala siya’y tulubagon sa katawhan tungod kay iyang gihimo ang iyang tahas aron sila maproteksyunan og bahala na matud pa ang Securities and Exchange Commission kon SEC og uban pang ahensya sa gobyerno paghimo og mas lapad pang aksyon batuk sa KAPA.
