BUTUAN CITY – Gimanduan na sa Department of Justice (DOJ) ang National Bureau of Investigation (NBI) nga magmugna og task force aron imbestigahan ang pagkalumos-patay sa duha ka Ateneo de Manila University basketball players nga sila Rene Baterbonia ug Divine Adili didto sa Dipaculao, Aurora.
Sigon ni DOJ spokesperson Polo Martinez gimanduan na ang NBI Central Office paglusad og subsob, komprehensibo ug impartial investigation aron masuta ang insaktong mga panghitabo nga naglimen sa maong insidente.
Sigon ni Martinez, ang task force, maoy mu-evaluate sa tanang makuhang ebidensya ug mga testimoniya aron madetermina kung duna’y igong legal nga basehan aron marekomenda ang pagpasaka og criminal charges ngadto sa DOJ.
Una nang gibutyag ni Aurora police director Col. Percival Pineda, nga base sa testimoniya sa mga nakasaksi, wala’y foul play ang maong insidente.
Migawas sa initial police report nga nadala sa dagkong balud ang mga estudyante nga misangpot sa ilang pagkalumos sa Hermanos Leisure Farm and Surf Camp sa Barangay Lipit.
