BUTUAN CITY – Hangtud sa pagkutlo niini nga balita, wala pa’y mga indibidwal nga mi-claim sa napalgang patay’ng lawas sa usa ka lalaki didto sa Purok 1, Brgy. Sta. Ana, lungsod sa Tubay, Agusan del Norte.
Sigon ni P/Sr. Insp. Agustin Navarro – hepe sa Tubay Municipal Police Station, posibleng residente sa laing lugar ang maong biktima tungod kay wala may naka-ila niini sa ilang lungsod.
Adiser matud pa namatay ang biktima, usa ka semana na kining kalit nga mibutho sa ilang lungsod og nagsuroy-suroy kinsa gitu-uhang duna’y deperensya sa pangisip.
Base sa ilang inisyal na pakisusi, samad-pinusilan ang ilang nakita sa tuong bahin sa iyang ulo apan kini subject for autopsy pa higayong duna na kini kabanay nga mu-claim.
Ila nang giduso ngadto sa district hospital sa Cabadbaran City ang patay’ng lawas og naghulat na lang sila sa resulta niini.
Nasayrang suot sa biktima ang puti nga t-shirt og kolor striped blue nga short pants og gibana-banang nag-edad og 45-anyos pataas samtang duna;y gitas-ong nga lima ka tiil og upat ka pulgadas. (Beth Ruiz)
