BUTUAN CITY – Mi-abot na sa 906 ang ihap sa mga namatay tungod sa Wuhan coronavirus suka dkini ma-detect niadtong Disyembre 2019 samtang 40,234 na usab ang mga nagpositibo gikan sa nagkada-iyang nasud.
Gikan sa maong ihap sa mga na-infect, 6,198 karon ang nagpabiling kritikal ang kahimtang samtang anaa usab sa 3,274 ang naka-rekber taliwa sa ilang pagpositibo sa maong sakit.
Ang ihap sa mga namatay sa bag-ong coronavirus mas daghan na karon kumpara sa mga nakalas atol sa outbreak sa Severe Acute Respiratory Syndrome kon SARS niadtong tuig 2003 nga mikalas og 774 ka mga tawo sa kapin duha ka dosena nga mga nasud.
Apan duna’y mga scientists nga nagbutyag nga mihinay na ang maong sakit sa China human nga mikunhod ang impeksyon niini karon nga weekend.
