BUTUAN CITY – Gikumpirma mismo ni Capt. Jonel Castillo, Civil-Military Operations Officer sa 901st Brigade Philippine Army nga si Myrna Sularte, o mas nailang si Ka Maria Malaya, ang top leader og secretary sa communist terrorist groups’ (CTG) Northeastern Mindanao Regional Committee (NEMRC) kans miyembro usab Political Bureau sa Communist Party of the Philippines (CPP), ang napatay sa engkuwentro batuk sa puwersa sa gobyerno sa bukirang parte sa Sitio Imelda, Barangay Pianing, Butuan City kaganinang ala 1:20 sa hapon.
Una nang natigayon ang sunod-sunod nga engkuwentro nga nagsugod sa alas 6:10 sa buntag og 6:30 sa buntag diin narekober sa tropa ang nagkadayang butang og ekepo nga gipanag-iyahan sa grupo ni Malaya.
Sa pagkahapon, gi-unhan pa ang mga sundalo sa pagpabuto sa mga rebelde rasong natigayon ang engkuwentro nga miresulta sa kamatayon ni Ka Maria Malaya samtang dugang mga gamit ang nakuha.
Si Maria Malaya mao ang na-biyuda sa namatay nga si Jorge “Ka Oris” Madlos, usa ka prominenteng tawo sa New People’s Army (NPA) National Operations Command (NOC), kansa napatay niadtong Oktobre 2021 sa engkuwentro nga natigayon sa Bukidnon.
Naglihok si Maria Malaya sa Caraga region og Northern Mindanao, kansa siya ang responsable sa daghang mga kapintas lakip na ang pagpatay sa mga sibilyan, pag-guba sa mga proyekto sa gobyerno og uban pang dili maayong aktibidad sa mga probinsya sa Surigao og Agusan.
Si Malaya nitibo nga taga Bayugan City, Agusan del Sur, nga nabutang isip most wanted NPA leaders sa nasud. Nag-atubang kini og daghang mga kasong kriminal sama sa rebellion,murder, multiple murder og frustrated murder.
