BUTUAN CITY – Nakuhaan og video ang natigayong pagpanipa sa usa ka lalaki ngadto sa usa sa mga nalambigit sa disgrasya kagahapon sa alas 3:45 sa hapon sa kadalanan sa Brgy. La Union, Cabadbaran City, Agusan del Norte.
Nasayrang sa video nga gipost sa usa ka Sansui salcedo, makita ang nalambigit sa disgrasya nga gitabang diin usa ka babaye ang daw walay panimoot diin dunay lalaki nga nangutana kung kinsa ang drayber og didto miatubang sa lalaki nga nagkadugo pud og naglingkod, og kalit lang niya kining gisipa nga maoy’ng pagka-igo sa nawong.
Nasayrang 6 ka mga indibidwal ang naangol sa insidente nga sa nakuha natong impormasyon mao sila Fretchie Jusay, 39 anyos; Jek Jusay, 40-anyos; Elmo Escabusa, 50- anyos; dunay 8 anyos og 7 anyos,og si Shane Lorete, 55 anyos, nga parehong residente sa Lianga, Surigao del Sur.
Naka-angkon ang mga biktima og samad og pangos sa kalawasan rasong daling gidala sa Cabadbaran District Hospital alang sa tukmang pag-atiman.
Sa karun padayon pa natong gikuha ang kinatibuk-ang estorya sa maong aksidente sa kadalanan.
