BUTUAN CITY- Nasuta na sa Philippine Coast Guard kon PCG ang gipahimutangan sa M/V Trisha Kerstin 3. Sumala sa PCG, nakit-an ang barko ilalom sa kadagaran sa tapa sa Baluk-Baluk Island.
Dugang pa niinim, nga sa hini-usang tabang sa Search and Rescue team nga gimugna sa mga ahensiya sa gobyerno ug mga volunteer nga mga mangisdaay, nakita usab nila ang usa ka patay’ng lawas. Sa kasamtangan minghapak na ngadto sa 43 ang ihap sa mga namatay sa insidente samtang ang ihap sa mga nakaluwas nagpabilin gihapong anaa sa 316 ka mga indibidwal.
Kahinumdumang ming-unlod ang barko sa kadagatan sa Basilan niadtong Enero 26 sa kadlawon kung asa tungod sa insidente gihunong sa Maritime Industry Authority kon MARINA ang operasyon sa Aleson Shipping Lines, ang kumpanya nga nanag-iya sa nasangpit nga barko.
