BUTUAN CITY – Nagpahimangno ang kadumalahan sa Department of Trade and Industry kon DTI-Caraga mahitungod sa kaylap nga investment scam karung panahona.
Kini base na usab sa gipakanaog nga pasidaan sa DTI-Central Office kauban ang Security Exchange Commisison kon SEC.
Sigon ni Elmer Natad, Consumer Officer sa maong buhatan, mas gipalapdan pa nila ang pagpahibalo sa maong kamanduan ilabina sa mga provincial offices aron ma-alarma ang katawhan batuk sa nagkuyanap nga investment scam.
Dire sa rehiyon sa Caraga, usa na niini ang gi-isyu sa Bombo Radyo nga K&A Holistic Trading Corporation ug ang Secret To Success kon StoS og daghan pang uban nga nag-operate sa Caraga diin ang kasagarang saad niini nga mo-recruit ka aron maka-kwarta ka.
Sumala pa ni Natad nga maka-alarma kini nga mga mudos ilabina kay mangayu kini ug cash. (Rolan Janea)
